آزربایجان

اولماز (به چاغلاییپ آخان ایرماق)

به چاغلاییپ آخان ایرماق

واختلی واختسیز آخماق اولماز

لکه‌لیکدیر به غازیلر

ائل اوستونه دوشمه‌ک اولماز

مینه‌لیم عرب آتلارا

یاراشیر قوچ ایگیدله‎ره

آغزی آچیق نامردلره

ایگید سیررین آچماق اولماز

عرب آت دا بوراق اولور

قوچ ایگیدده یوره‌ک اولور

بون دمینده گئره‌ک اولور

ایگیده‌ خور باخماق اولماز

آرارسان وار قلبین آرا

ائللر سانا نه دئر گؤره

دوز اکمک یئدیگین یئره

خیانتلیک ائتمه‌ک اولماز

قاراجااوغلانین دئدیگی

نامرده بویون اگدیگی

قوچ ایگیدین سئودیگی

گلیرسه ده قوچماق اولماز