اولماز اولماز اولماسین

اولماز اولماز اولماسین

جمالین ایستدیم گوره م دئدین کی اولماز اولماسین

نه اؤلار كي سنده دلبرا بو اولماز اولماز اولماسین

بهار فصلي سن اؤزۏن،چمن-چيچك بهانه دي

بوتون سئونلرين گؤزي،اميدي،گول بها نه دي

چمن ده لاله-گول منم،چمن-چيچك بهانه دي

دئديم:دئدين عاشقين گرك سرافراز اولماسين

نه اولار كي سنده دلبرا بو اولماز اولماز،اولماسين

چمن ده برگ گول تكين تريندي اينجي ژاله لر

اودوركي كؤنلومون قوشي ائدير چوخ آه و ناله لر

ترحم ائيله قاشلارين آچيب سينمده لاله لر

دئديم:دئدين عاشقين گرك سرافراز اولماسين

نه اؤلار كي سنده دلبرا بو اولماز اولماز،اولماسين

يانيغلي كؤنلۏمۏن گؤزه ل لبينده احتياجي وار

بيليب دي چون علاج اوچون بو دردينه علاجي وار

سیزیلدایانلار ايچره بير نوايه گلميش حاجي وار

دئديم:دئدين "حاجي"يه دئيين بد آواز اولماسين

نه اولار كي سنده دلبرا بو اولماز اولماز،اولماسين

حاجی بابا حسین اف

یار بیزه قوناق گله جک

یار بیزه قوناق گله جک

(آراز)ین اۏستۏن دن باخیرام سنه

یوللاری باغلاییب سرحد لر منه

یوبانسا مین ایلده گؤزله ره م یئنه

بیلیره م یار بیزه قوناق گله جک

اؤزۏده سۏز وئریب ساباح گله جک

***

اؤلکه میز بؤلۏنۏب سینیب بیله ییم ؟

نه قده رگؤزۏمده ن قان یاش اله ییم ؟

وطنین بیر لیی منیم دیله ییم

بیلیره م یار بیزه قوناق گله جک

اؤزۏده سؤز وئریب ساباح گله جک

***

قارداشلار هیجرانی یۏزدوخسان ایل دیر

گؤزلری آغلایان (ساوالان)(میل)دیر

بیر ده کی آنا دیل حالی نیسگیللی دیر

بیلیره م یار بیزه قوناق گله جک

اؤزۏده سۏز وئریب ساباح گله جک

***

(کۏر)مۏن سویونا باتماق ایسته ره م

جانیمی جانینا قاتماق ایسته ره م

قارداشیم وصلینه چاتماق ایسته ره م

بیلیره م یار بیزه قوناق گله جک

اؤزۏده سۏز وئریب ساباح گله جک

***

(ممدلی) دولانیر قارداش سوراقدا

ایل لردیر قالیبدی اون دان اوزاقدا

بیر اؤپۏش حسرتی یانیب دوداقدا

بیلیره م یار بیزه قوناق گله جک

اؤزۏده سۏز وئریب ساباح گله جک

ممدلی

وطن سئوگیسی

وطن سئوگیسی

حیاتین معنیسین وطن له قاندیم

وطنین عشقینده آلیشیب یاندیم

گؤرنده آلینیندا قیریشیقلارین

او یانان اودلارا منده قالاندیم

***

آی ائللر وطنین قاداسین آلاق

خائن لر جانینا ولوله سالاق

نه گؤزه ل سئویملی .عزیزدیر وطن

اؤلۏنجه گره ک کی قئیدینه قالاق

***

اولسون کی نامردین چیراغی سؤندو

وطنیم پارلاییب گۏنشه دؤندۏ

حیاتین چوخ اوزون یوللاری واردیر

سانمایین کی کۏنلر فقط بو گۏندۏ

***

آنادا وطن دیر صاف اۏره یی له

سئویملی مقدس پاک دیله یی له

آنامین الیله بویا چاتمیشام

تۏکنمز زحمتی دۏز چؤره یی له

***

حیاتدا قار بوران منی ییخاندا

کده رلر روحومو بوغوب سیخاندا

چیراغیم اولوبدو قارانلیغلاردا

قایتاریب یولوما یولدان چیخاندا

***

وورغونام وطنین قلم قاشینا

(ممدلی)دولانسین اونون باشینا

دوستلارین حؤرمتی ائل محبتی

گۏل چیچک اولاجاق قبیر داشینا

ممدلی

شوشا

شوشا

بو گئجه یوخوما گیرمیشدی شوشا

ایکیمیز دولانیب گزیردیک قوشا

گؤزلری دولموشدو نیسان یاغیش لی

آزقالدی آراز تک چاغلاییب جوشا

***

الینده ن اؤپه ره کاؤنۏنده چؤکدۏم

قلبیمی او گؤزه ل دیاردا اکدیم

تبریزی دولانیب باکی یا گئتدیک

عیسی بولاغیندا گؤز یاشی تؤکدۏم

***

سوروشدوم شوشا دان حالین نئجه دیر

دئدی کی گۏندۏز ده منه گئجه دیر

یاد ائللر باشیما آلوو یاغدیریب

داغیمدا داشیمدا گزیر اینجیدیر

***

اویاندیم یوخودان رنگیم سارالدی

شوشانی گؤرمه دیم قانیم قارالدی

شوشامیز سیزلاییر دۏشمان الینده

او یاشیل داغلارین چیسگین قار آلدی

***

شوشا دیر شؤهرتیم شوشا واریمیز

سئویملی سئوگیلی گۏل عذاریمیز

ممدلی وورولموش آذربایجانا

تاریخده آدی دیر افتخاریمیز

ممدلی

بیر آذربایجان

بیر آذربایجان

من انسان یاراندیم کؤکۏمدور انسان

آزادجا یارادیب منی یارادان

من سئوه بیلیره م سئویلیره م من

یولومو کسنمز نه بوران نه چن

اولکه مین چؤللری آل قوماشلی دیر

حاییف کی خلقیمین گؤزۏیاشلی دیر

(خان آراز) تیکان تک گؤزۏمده بیتیب

وطنین تیفاغی داغیلیب ایتیب

زمانه بیزلره اولدو قیقاجی

(آجی )نین سولاری هله ده آجی

(تبریز)ین غم یۏکۏ کۏره یینده دیر

آیریلیق حسرتی اۏره یینده دیر

ایللردیر گؤزۏنؤ یولا سریبدیر

(داغستان)روسلارین الینده اسیر

(زنگه زور )بوینونو زنجیر لر کسیر

(بورچالی)وطن دن توشوب آرالی

(گنجه)نین اۏره یی اولوب یارالی

(قاراباق)نیسگیللی تزه دردیمیز

او بیزیم اولماسا اولماریق عزیز

ایگیدلر گره ک کی گله میدانا

قویمایا قیلینج لار قیندا پاسلانا

(کور اوغلی) (قیر آتین) مینیب دولانسین

(سهند)ین باشیندا تونقال قالانسین

ائل لرین شاد گۏنۏمیدان سولانسین

(شکسته )اۏستۏنده (خان)هاوالانسین

سازینی گؤتۏرسۏن( قشم) له( شمشیر)

تار ایله کامانچا اولسونلارال بیر

چالینسین بو (جنگی ) بو (روحا)دیر

بیریسی محبت .اۏرک قانی دیر

بیریسی ائلیمین ایگید لیک رمزی

شرفلی یاشاماق شجاعت طرزی

بیر اؤلکه بیر وطن بیر آذربایجان

اولاجاق(ممدلی)سن بونا اینان

یاشاسین وطنیم آذربایجانیم

اۏره کده .داماردا قاینایان قانیم

ممدلی

آذربایجانیم

آذربایجانیم

ظالیمین قارشیندا ووقارلا دوردون

شاهلارا بیرینجی ضربه نی ووردون

آزادلیق قورقوسون وطنده قوردون

(ستارخان)آلایلی آذربایجانیم

***

اوجالدی (باکی )ندان آزادلیق سؤزۏ

(تبریز)ین اۏره کده آلولو سؤزۏ

اویانیر (ساوالان)(موغان)(میل دۏزۏ)

(آرازلی)(کۏر چای)لی آذربایجانیم

***

یاد ائللر وحشیجه باسقین ائده نده

جاوانلار قوجالار سۏرگۏن گئده نده

تۏلکۏلر آسلانین تۏکۏن دیده نده

گۏن لری آه وایلی آذربایجانیم

***

بؤلۏندۏن ایکیه سیندی اۏره یین

او دور کی بۏکۏلۏب بئلین کۏره یین

شیرین دیر حالال دیر دوزون چؤره یین

او تایلی بو تایلی آذربایجانیم

***

ممدلی وورولوب سنین آدینا

سالاراق تاریخی ائلین آدینا

چاغیریر بیزلری حق فریادینا

حق سؤزلۏ هارایلی آذربایجانیم

ممدلی

نییه گلمه دین

نییه گلمدین ؟

گؤزلریم یولونا آسیلی قالدی

یولونوگؤزلدیم ابللر بویونجا

گؤزۏمۏ یولونا تیکدیم هر آخشام

سریلدی گؤزلریم یوللار بویونجا

نییه گلمدین؟

ائویمی سۏپۏرۏب وؤشه مه سالدیم

ال الوان گۏللری رف لره دۏزدۏم

قلبیمده سن ۏچۏن یئر حاضیرلادیم

سینه مده سئوگی دن سۏفره لر آچدیم

سۏفره لر دۏزۏلدۏ ایللر اوزاندی

نییه گلمه دیین ؟

دورموشدوم اؤزۏمۏ قوربانلیق وئرم

آیاغین آلتدا

قولاغیم قاپینین زنگینده قالدی

یوللارا باخماقدان گؤزۏم قارالدی

نییه گلمدین؟

گؤزه لیم سن منیم اۏره ییمده سن

گلدین یا گلمه دین اؤزۏن بیلرسن

سیندی قول قانادیم یانیما توشدو

اوندا کی ائشیتدیم

نییه گلمه دین

اسمائیل ثانی ممدلی

چیخاراق باهارا آذربایجانی

چیخاراق باهارا آذربایجانی

گؤرۏش یئرینده یم بایاقدان بری

بیر گؤزۏم ساعاتدا بیری یولدا

***

واختیندا گلیر سن دیلیم ازبری

ساعات یوخ .نبضیندیر ووران قولومدا

***

گلیرسن بۏرۏنۏب قار ایشیغینا

آزجا قالدیر میسان بویونلوغونو

***

گئمده ن گؤز قویورام یاراشیغینا

سنه آغ دون بیچن قارین .چووغونون

***

اوزون کیپرینده قار چیچکلری

بو قار دنیزینده ایلک باهاریمسان

***

گؤیدنمی گلیرسن آغ تاجلی پری

بو آغ زنجیرلری نه جور قیرمیسان

***

اۏشۏیۏر دئیه سن ظریف اللرین

وئر اؤپۏم.هوو خوروم بارماقلارینی

***

ایسیتسین نفسین ایسلاق تئللری

بیر آز رنگی قاچان یاناقلارینی

***

بری وئر چانتانی . قارلی کۏرکۏنۏ

وئر آسیم آسقیدان خدمتچین کیبی

***

آلمادان وئجینه بو سویوق گۏنۏ

سن اوچوب گلمیسن گؤیرچین کیبی

***

سن کیشی قیزیسان .جسور مله ییم

بلکه قیز جیلدینه گیرمیش بیر ارسن

***

سن منیم اوغرومدا بیر قار ندیر کی

سمومدان .بوزلاقدان اوددان کئچرسن

***

من سنین اوغروندا آند ایچمیشم کی

حکمومله سوسدوروب بو آغ طوفانی

***

جهاندا هئچ کسین نوش ائتمه دیی

باهارا چیخاریم آذربایجانی

***

یاغماسین .یاندیرار نفسیم قاری

چاخماسین .اوددارام ایلدیریملاری

***

قانادلار وئرمیسن دؤرد قانادیملا

دوغرارام کسه ره م سیلدیریملاری

***

هانی کیرپیینده قار چیچکلری

هانی او بایاقکی سویوق اللرین

***

چالیرام ...ساچیندان آییر وئر بری

منیم کامانیما دۏشن تئللری

خلیل رضا اولو تۏرک

سنسیز

سنسیز

گؤردۏن نئجه گۏن گئتدی بی قمر اولدو

تک لیکده مارالیم گئجه -گۏندۏز کدر اولدو

هیجران غمی .سیندیردی عؤمۏر جامیمی ای وای

گؤز یوممادا گؤردۏم کی جوانلیق هدر اولدو

سالمیشدی یولون کؤنلۏمۏزه وصلین اومیدی

هیجران یئتیشرکن اۏمۏدۏم در به در اولدو

صبرین داشی چات -چات جیریلیب دردیمی بیلجک

تقدیریمه باخ صبریمه قارشی قدر اولدو

تبریزی (تیلیم خانلی )بوراخدین ضرر ائتدین

دؤن شهرینه گؤردون بئله ایش بی ثمر اولدو

حمید احمد زاده

تبریز گؤزلی

تبریز گؤزلی

آلمیسان باشیمدان عاغیل- هۏشۏمۏ

پریشان ائتمیسن کؤنۏل قوشومو

آجییا قاتیبسان شیرین -تورشومو

فیکرینی باشیمدان آتا بیلمیرم

تیکیلیب گؤزلریم سن گلن یولا

حسرتم .قوللارین بوینوما دولا

ساتیرام دۏنیانی بیر قارا پولا

سنی دۏنیالارا ساتا بیلمیرم

من سنین یاری نام سن منیم یاریم

سنی وئرمیش منه مهربان تاریم

نئیله دین منیمله سئوگیلی یاریم

پریشان اولموشام .یاتا بیلمیرم

آی منیم غئیبدن یئتیشمیش پاییم

هیجرینده یۏکسلیر گؤیلره هاییم

گۏنشیم اولدوزوم .ایشیقلی آییم

پارلاکی ظلمته یاتا بیلمیرم

داغیلسین توفاقی قارا ملیکین

آلیشیب یانیرام من کرم تکین

عالمه سس سالدیم .مندن ال چکین

نئیله ییم دردیمی اوتا بیلمیرم

بیر لحظه گؤرۏندۏن منیم گؤزۏمده

آچیلدی گۏل چیچک منیم سؤزۏمده

قیسقاندی تیلیمه منیم اؤزۏمده

سنی باشقاسینا قاتا بیلمیرم

حمید احمد زاده (تیلیم )

گئجه لر

گئجه لر

هانی او ماه ائیله من عشرت ائتدیگیم گئجه لر

گئجه نی صوبحه کیمی صحبت ائتدیگیم گئجه لر

گئدنده یار .دوروب ناز ائیله کناریندان

آلیب اله اتگین .منت ائتدیگیم گئجه لر

دۏشنده خاطریمه گؤیلره چیخار آهیم

او ماه پاره ائیله خلوت ائتدیگیم گئجه لر

آیاق یالین .باش آچیق.زمزمی سرشک تؤکۏب

طواف کۏی اۏچۏن نیت ائتدیگیم گئجه لر

گلیب نهانی دۏرری یاره اۏز قویوب خاکه

غبارین اؤپمگه اول جورت ائتدیگیم گئجه لر

دۏشرمی بیر ده اله .ای خودای حی واحید

او سرو قامت ائیله اولفت ائتدیگیم گئجه لر

دیینده یار منه درد .من دییردیم جان

مذاقه تلخ سؤزۏن شربت ائتدیگیم گئجه لر

مکرر ائیله ییب اول آجی سؤزلرین سید

اؤزۏم اؤزۏمه دؤنۏب لذت ائتدیگیم گئجه لر

سید عظیم شیروانی

ویرانیمدا

ویرانیمدا

اولماسایدی غمی عشقین دیلی ویرانیمدا

ساخلامازدیم اونو بو عزت ائیله یانیمدا

او قارا خالی منه وئرسه لر قانین ایچه رم

نه اۏچۏن منزل ائدیب عارضی جانانیمدا

توتانی مصحف رخسارینی اول کافر خط

گؤرۏنۏر گۏر نه خللر منیم ایمانیمدا

ائیله مز عاشیقی بیر لطف ائیله خرم .یا رب

بو نه رفتاریدیر اول سرو خورامانیمدا

دۏشه نی خوبلرین کؤنلۏمه فکری .سید

اللی یوسف تا\یلیر کلبه ی احزانیمدا

سید عظیم شیروانی

گۇزل وطنیم

گۇزل وطنیم

منیم بۏلۏلۏم .گۏزل وطنیم

ساری سۏنبۏلۏم . چمنیم چؤلۏم

دنیزیم گؤلۏم.نازلی سئوگیلیم

گوجلو دۏمرۏلۏم

گؤزل وطنیم .آذربایجانیم

*****

منیم دیله گیم .جانیم اۏره گیم

یازیم چیچگیم.گؤزۏم ببگیم

سویوم چؤرگیم. قولوم بیله گیم

سنسن دیره گیم

گؤزل وطنیم .آذربایجانیم

*****

قولوم بوداغیم.ایستی قوجاغیم

جوشغون بولاغیم .یانارچیراغیم

کسگین ناجاغیم .سؤنمزاوجاغیم

منیم دایاغیم

گؤزل وطنیم .آذربایجانیم

رسول مهدیزاده (اوغوز)