ﺑﻮ ﯾﺎﻻﻥ ﺳﻮﺯ ﯾﺎﻣﺎﻥ ﺁغلاﺗﺪﯼ ﻣﻨﯽ

ﺑﻮ ﯾﺎﻻﻥ ﺳﻮﺯ ﯾﺎﻣﺎﻥ ﺁغلاﺗﺪﯼ ﻣﻨﯽ
ﺁﻏﻼﻣﺎﺯﺩﯾﻢ ﺯﺍﻣﺎﻥ ﺁﻏﻼﺗﺪﯼ ﻣﻨﯽ
ﻇﻦ ﺍﺋﺪﯾﺮﺩﯾﻢ ﺁﻏﯿﺮ ﺍﻭﻟﺴﺎ ﯾﺎﺭﺍﻻﺭ
ﯾﺎﺭﺍﻻﺭ ﺁﻏﺮﯾﺴﯿﻦ ﺁﻧﺠﺎﻕ، ﯾﺎﺭ ﺁﻻﺭ
ﻧﻪ ﺑﯿﻠﯿﺪﯾﻢ ﺍﻭﺭﻩ ﮔﯽ، ﯾﺎﺭ ﯾﺎﺭﺍﻻﺭ
ﻣﻦ ﺩﺋﺪﯾﻢ ﺑﺎﻏﻼﺳﺎ ﯾﺎﺩﻻﺭ ﻗﻮﻟﻮﻣﻮ
ﺩﺍﯾﺎﻗﯿﻢ ﻭﺍﺭ ﻗﻮﺭوﯾﺎ ﺳﺎﻍ ﺳﻮﻟﻮﻣﻮ
ﻗﻮﭘﺪﯼ ﺑﯿﺮ ﭼﻦ کی ﺍﯾﺘﯿﺮﺩﯾﻢ ﯾﻮﻟﻮﻣﻮ
ﺩﺍﻏﺎ ﺑﺎﺧﺪﯾﻢ ﺩﻭﻣﺎﻥ ﺁﻏﻼﺗﺪﯼ ﻣﻨﯽ
ﺁﻏﻼﻣﺎﺯﺩﯾﻢ ﺯﺍﻣﺎﻥ ﺁﻏﻼﺗﺪﯼ ﻣﻨﯽ..
.
.
اوستاد عاصم اردبیلی

گؤزلیم! سالما گؤزوندن منی، بیگانه کیمین

گؤزلیم! سالما گؤزوندن منی، بیگانه کیمین

اذن وئر، شوط ائدیم اطرافینی پروانه کیمین

بخت آئینه سی تک، سیل اوره گیندن کدری

تا صداقت باخیشیندان جوشا، میخانه کیمین

اوخو عشقین کیتابین، سئوگی دن افسانه یاراد

کؤنلومو شوقیله سرشار ائله، پیمانه کیمین

روحوم آشوفته دی، زولفون کیمی آی سیزدی گئجه م

بو پریشانلیغا بیر نظم یاراد شانه کیمین

گل گؤزللر آرا، بی رحمیلیگ آییننی پوز

سالما اؤز عاشیقینی چوللره، دیوانه کیمین

بولبولم، قهر زمان، باغدان اوزه ندن الیمی

قارا خالیندی چکن دامه منی دانه کیمین

گل ملامت داشی آلتیندا، بو بیچاره کؤنول

تالانیب قیش گونو، تاراجه گئدن لانه کیمین

گون کئچیب، آی دولانیب، ایللر اؤتوبدور هله ده

سینه ده ساخلامیشام گنجیمی ویرانه کیمین

گلمه دین، اوندا کی جان دردینه درمان واریدی

ایندی درمان دا منه درد دی جانانه کیمین

عاصمین طبعی، صداقت بولاغیندان سو ایچیر

گر چی دؤزگونلوگ، اولوب دهرده افسانه کیمین

گئجه نين اوزاندي عمري ، سحريم حصاري سيندير

گئجه نين اوزاندي عمري ، سحريم حصاري سيندير
بو قارانليقين كوكون قاز ، قارا روزگاري سيندير
نئچه داملا نور شرابين ، كرم ائت منه داديزدير
بو تامارزي گوزلريمده آجي اينتيظاري سيندير
گونشين خيالي يوخدور، آچا ياشماقين اوزونن
ائله فيكري آت باشوندان ، بئله بير قراري سيندير
یازا چاتمیشیق یاشیلیق نه چمنده وار نه باغدا
قیشی قوومایان یازین پوز یازی سین بهاری سیندیر
جانا گلمیشم قفسدن، گئدیرم توشم نفسدن
یا منه دوباره جان وئر، یا بو جانسپاری سیندیر
یاشادیق اوقدر قاردا،داها دوندی قان داماردا
دونوب اوزگه لندی یاردا،یادا باغلی یاری سیندیر
سحریم نسیملن گل ، گئجه نین گوزون اوزون دل
بیر آز عاصمیله دینجل گولی نازلا خاری سیندیر