مئشه نین کوربیر بوجاغیندا آدسیز بیر آغاج
چؤل قوشلاری دیسکینمه‌دن بوداقلارینا 
قونورلار
زهرلی بیر ایلان دا گؤوده سینه سارماشاراق
کؤلگه ‌سینده دینجه‌لیر
بیتکی‌لرمیننت‌سیز بیر- بیرینه دایاناراق دیرچه‌لیرلر
هاوا یوخولو!
ایلدیریم سوولو بیر قیلینج
شاخدیقجا بولودلار بیر- بیرینین قوینونا گیریرلر
سولارین شاققیلتیسینا داغ داش اویانیر
طبیعت اؤز ایشینده حیوان‌لار دا
توفنگین سسینه لالا گؤیریر
گؤزلریمده اینیلتی
یالقوزاق قاچمادان دایانیر!
آغاج‌لار بیر- بیرینه سؤیکه نیب‌لر
سن،
آغاج‌لارا
ساچلارین سرت دومان یولومو کسیب!
اورمان یئریمه‌دن خییالیم چاپیر 
تئللرین داراندیقجا آغاج‌لار اوزانیر
دامار لاریمدا سئوگی داوام تاپیر
دانیشمادان کلمه لر سؤزآلیرمندن
بورا قاراداغ مئشه‌سی دیر
سیزه قیسقانیرام حیوان‌لار
نه قدر مهربان‌سیز!