دئدیلر

عارفلردن سوردوم دونیا احوالین.
آزاد قوشا بیر قفس دیر دئدیلر .
عؤمرون اعتبارین سوال ائیله دیم.
گئتدی گلمز بیر نفس دیر دئدیلر.

دئدیم دونیا مالی دئدیلر عبرت .
دئدیم بس جوانلیق دئدیلر فرصت.
دئدیم بس قوجالیق دئدیلر حسرت.
عؤمرون پاییز یئلی اسدی دئدیلر.

دئدیم بیر سرمایه بیرده سعادت .
دئدیلر خوش اخلاق بیرده قناعت.
دئدیم شهرت اوچون اولسا عبادت.
عابد دییل بوالهوس دیر دئدیلر .

دده کاتب غم نهالین غم أکه .
غم خرمنین غم انباره غم تؤکه.
عؤمرون سوفراسیندان بیر نئچه تیکه.
یئدیم دؤیمامیشدان بسدی دئدیلر.

دده کاتب