سندن سورا گوزلر آسیلی تنگه نفسدیر

جان وارسا دئمیشکن قالاراق بیر قورو سسدیر

اؤزلم چایینین یورقون آیاغی قان ایچینده

باغریم باغینین باغبانی دویماز داها بسدیر

اینجار تئلینه شیلله وورار کن قارا یئللر

اووجون آچیبان کوللار آرا صبریمی کسدیر

آهیم گولو بوز پارچاسی تک سیندی سینمدن

قیردی نفسین قول قانا دین سویلدی بسدیر

دونیا منیلن بئیله دوروشماقدا خبر وار

ال توتمور آیاق گلمه مدن قالماق عبسدیر

حسرت سازاقیندان آلیشیب یانمایا هر کیم

احساسینا سیغماز بئله فیکر ائیلر هوسدیر

27/12/84
علی جبرائیلی اندرگان