تورک قهرامانلاری
تورک قهرامانلاری
türk qahramanları
ساواش گونو سوار اولسا آتا تورک
savaş günü savar olsa ata türk
آلقیش دییه ر تورک اوغلونا "آتاتورک"
alqiş diyər türk oğluna "ata türk"
داغ دره ده یئل توزونا چاتانماز
dağ dərədə yel tozuna çatanmaz
اگر آتین بئلی اوسته یاتا تورک
əyər atın beli üstə yata türk
توتار بوغار جایناغیندا قوش کیمی
tutar boğar caynağında quş kimi
قاری دوشمن گیرمیش اولسا چاتا تورک
qarı düşmən girmiş olsa çata türk
بیر قانینا دوخسان دوققوز قان ائیلر
bir qanına doxsan doqquz qan eylər
بیر داملا دا قویماز قانی باتا تورک
bir damla da qoymaz qanı bata türk
باشدان آیاق شرف، غیرت کانی دیر
başdan ayaq şərəf ğeyrət kanı dır
کیم گؤروبدور اؤز ائلینی آتا تورک
kim görübdür öz elini ata türk
گؤرسه یوردون اجنبیلر الینده
görsə yurdun əcnəbilər əlində
ممکن دئییل بیر گئجه ده یاتا تورک
mümkün deyil bir gecə də yata türk
محالدیر کی مردین بیر تک توکونو
mahaldır ki mərdin bir tək tükünü
یوز نامردین چؤره گینه ساتا تورک
yüz namərdin çörəginə sata türk
عهدیم بودور هامی وئره ال اله
əhdim budur hamı verə əl ələ
مالی مالا جانی جانا قاتا تورک
malı mala canı cana qata türk
بوندان باشقا یوخ "شامی" نین دیله یی
bundan başqa yox "şamı" nın diləyi
بیر گون اولا مرادینا چاتا تورک
bir gün ola muradına çata türk
محمود صادقپور(م.شامی)
(məhmud sadeqpur(m.şami)
هدف از ایجاد این وبلاگ جمع آوری مطالب و آگاه سازی عزیزان می باشد