نه داشان محبت نه وقتسیز اجل
نه ظالم آیریلیق بیزه گلئیدی
چیخاندا سئيرينه قارلی داغلارین
اونوندا قووتی بیزه گلئیدی

نه عشق- سئوگیدن دویماق اولایدی
نه بزه‌ییب گولو سایماق اولایدی
هرگونون لذذتی قایماق اولایدی
گونوموز همیشه دوزه گلئیدی

طعنه اوره‌گیمه اولمایایدی اوخ
حیات عشقی بیزه گؤرمه‌یئیدی چوخ
زلیمخان جاوانلیق اییرمی بئشده يوخ
ياشيميز چاتاندا یوزه گلئیدی

زلیم‌خان_یعقوب