دونیادا گون گؤروب، عؤمور‌ سورمه‌یی
هر اورک ایسته‌ییر، هرجان ایسته‌ییر
کیمی اؤز مئیلینی یارا باغلاییر
کیمی قیزیل گزیر، مرجان ایسته‌ییر

کوچه‌ده بیرتابوت کئچسه یانیمدان
پیچاق وور داملا دا چیخماز قانیمدان
مین دفعه شیرین‌دی جانی جانیمدان
من حیات دئییرم، یار جان ایسته‌ییر

آختارسا حیاتدا کیم تاپاجاق، کیم
یوللار آیریجیندا بیلینمز یئریم
"زلیمخان"! جانیمی من کیمه وئریم؟
عزرائیل جان آلیر، یار جان ایسته‌ییر

زلیمخان_یعقوب