✍️محمد فضولی

منی جاندان اوساندیردی، جفادان یار اوسانمازمی؟
فلک‌لر یاندی آهیم‌دن، مورادیم شمعی یانمازمی؟

هامی بیمارینا جانان، دوای درد ائدر احسان،
نئچون قیلماز منه درمان؟ منی بیمار سانمازمی؟

غمیم پنهان دوتاردیم بن، دئدیلر یاره قیل روشن،
دئسه م اول بی وفا بیلمم اینانارمی، اینانمازمی؟

شب هیجران یانار جانیم، تؤکر قان چشم گریانیم،
اویادیر خلقی افغانیم ، قارا بختیم اویانمازمی ؟

گول رخسارینه قارشو، گؤزومدن قانلی آخار سو
حبیبیم فصل گول دور بو، آخار سولار بولانمازمی؟

دگیلدیم بن سنا مایل، سن ائتدین عقلیمی زایل
بنا طعن ائیله ین غافیل، سنی گؤرجک اوتانمازمی ؟
#فضولی رند شئیدادیر ، همیشه خلقه روسوادیر ،
سورون کیم بو نه سئودادیر ، بو سئودادان اوسانمازمی ؟