بو گون ستارخانین شهادت گونو و بو نئچه میصراع میرزه علی‌اکبر صابیرین ستارخان حاقدا سؤیله‌دییی شعیر:

تا کی میللت مجمعین تهراندا ویران ائتدیلر
تورکلر، ستارخان ایله عهد و پیمان ائتدیلر
ظلم و استبداده قارشی نیفرت اعلان ائتدیلر
میللته، میللییته جان نقدی قوربان ائتدیلر

آیه‌ی ذبح عظیم اطلاق-ی اول قوربانه‌دیر
آفرینیم همت-ی والای ستارخانه‌دیر

آفرین تبریزلیلر ائتدیز عجب عهده وفا 
دوست و دشمن اَل چالیب ائیلر سیزه صد مرحبا
چوخ یاشا دؤولت‌لی ستارخان افندی، چوخ یاشا
جنت-ی اعلاده پیغمبر سیزه ائیلر دعا

چون بو خیدمت‌لر بوتون ایسلامه‌دیر اینسانه‌دیر
آفرینیم همت-ی والای ستارخانه‌دیر