آزربایجان

منه بیرآز اوندان دانیش 
دوروشوندان، يئریشیندن 
شیرین شیرین گولوشوندن 
گلیشیندن، گئدیشیندن 
باجاردیقجا هر ایشیندن 
نه بیلیرسن آخیر چالیش

منه بیرآز اوندان دانیش 
باشین نئجه قاتماغیندان 
ایسته‌يینه چاتماغیندان 
هر گون بیراز اؤلدويوم دئ 
گئجه راحت ياتماغیندان 
منی نئجه آتماغیندان

منه بیرآز اوندان دانیش
سؤيله نئينیر جان يولداشیم؟ 
قیسقانجلیغدان جوشوم داشیم، 
قوي لاپ قورو سؤزننسه ده 
اؤزومو ایتیریم،چاشیم 
اونا يئنه ياخینلاشیم

منه بیرآز اوندان دانیش
دانیش تبیم دیله گلسین 
هر بیر سؤزون باغریم دلسین 
قوي ایچکیسیز،قوي ایچمه‌دن 
روحوم بیراز مزه‌لنسین 
خاطیره‌لر تزه‌لنسین

منه بیرآز اوندان دانیش
قايتار منه گئتیر منی 
آل اونسوز بیر گله‌جکدن 
کئچمیشیمده ایتیر منی 
دانیشدیغجا بیتیر منی!

منه بیرآز اوندان دانیش
هیجران پوزوب دوزه‌نیمی 
ساریب شعر،قزه‌لیمی 
دئ کی،تسللیم اؤپمکدیر 
اوندان يازان اؤز الیمی 
گؤررسنسه گؤزلیمی 
اونا بیر آز مندن دانیش!

نصرت کسمنلی